Doookoootiiin moh

Dear Magnanakaw ng Cellphone,

Una sa lahat, Putangina mo hayup ka! Naway nasa mabuti kang kalagayan. Ingatan mo ang cellphone ko na dinukot mo sakin habang siksikan tayo sa bus na byaheng LRT-Baclaran. Naway maibenta mo yan sa malaking halaga, upang maipambili mo ng kabaong mo.

Hanga ako sa istayl ng pandurukot nyo ng tropa mo. Kunwari na ou-out-of-balance ka pa para lalo kang dumikit sa akin. Madulas ang iyong mga kamay, at iyon ay aking hinahangaan. Nagawa mong madukot ang cellphone ko sa masikip kong bulsa ng hindi ko nararamdaman at walang nakakakita.

Sayang naman at bumaba ka agad sa may Washington street, pwede mo rin sana madukot ang pitaka ko na nakalagay sa likod na bulsa ng pantalon. Pero nakuntento ka agad at ang iyong ka-tropa.

Tang ina mo, kapag nagkita tayong muli, lahat ng depektibong battery ng Nokia ay ipapalulon ko sayo at saka ko papasabugin.

Ingat ka lagi.


Best regards,
Thomas